Bishop Denis
Maisha na Huduma - Mchungaji Kiongozi wa E.A.G.T Kongwa na E.A.G.T Oysterbay
Bishop Dr. Livingstone Denis ni mchungaji wa kanisa la E.A.G.T Mizeituni Kongwa na kanisa La E.A.G.T Oysterbay (Kilima cha Ukombozi na Uponyaji). Alianza huduma yake ya uchungaji mwaka 1978 alianza huduma, na kwa miaka mingi amekuwa akiongoza kanisa la E.A.G.T Mizeituni Kongwa.
Mwaka 2015, alifanikiwa kuzindua kanisa la ghorofa Kongwa, jengo kubwa na la kisasa lililojengwa chini ya uongozi wake. Hii ilikuwa ni hatua muhimu kwa waumini wote kumjengea Mungu nyumba nzuri ya kuabudia na kumtukuza Mungu wa Mbinguni.
Mungu alimpa maono ya kuanzisha kituo kingine cha maombi na maombezi cha E.A.G.T Oysterbay mwaka 2003. Kwa imani na uvumilivu, kituo hiki kilifanikiwa kufunguliwa rasmi mwaka 2021, na sasa kinatumika kama "Kilima cha Ukombozi na Uponyaji" na pia kama kanisa la kimataifa lililopo Oysterbay jijini Dodoma.
Bishop Dr. Livingstone Denis alikuwa bubu na kiziwi kwa miaka kumi na tano(15). Katika kipindi hicho, alizunguka sehemu nyingi akitafuta uponyaji kwa waganga mbalimbali, hospitali mbalimbali lakini hakupata jibu.
Hata hivyo, Mungu mwenyewe alimfungua masikio na kumwezesha kuongea tena. Tangu Mungu alipomfungua, amekuwa akifundisha kwa nguvu sana somo la imani, waebrania 10:38.
Bishop Dr. Livingstone Denis hufundisha kikamilifu somo la imani, akiamini kuwa Mungu anaweza kufanya chochote kwa anayemwamini kwa dhati.
Nirudi nyuma kidogo, kuonyesha picha halisi ya kile ninachokisema. Wakati tukihamia Kongwa, hakukuwa na nyumba yenye umeme hata moja, hakukuwa na maji na hakukuwa na ghorofa hata moja.
Wakati fulani niliamua kumuamini Mungu kuniletea umeme, nikachukua hatua ya imani, kununua taa na swichi ya kuwasha na kuzima na waya. Niliunga taa kana kwamba kuna umeme, na kila siku jioni niliiwasha na kutamka kuwa umeme unakuja, halafu ndipo tukawasha kibatari.
Miaka kadhaa baadae, umeme ulikuja, lakini huenda isingekuwa muujiza kama ungekuja mji mzima wa Kongwa. Mungu alisababisha ule umeme usipite njia fupi ambao ungepitishwa kikawaida bali, ukapita nyumbani kwangu, na mimi nikawa mtu wa kwanza kabisa kupata umeme kwenye mji ule.
Tukimaliza ujenzi wa kanisa, Mungu alinisemesha tena kuhusu kujenga kanisa kubwa zaidi la ghorofa, jambo ambalo kwa wakati huo nililiona kama ni la kufikirika tu. Baadaye nilianza kupata maono ya waziwazi, kiasi cha kwamba mpaka nafikia kujenga, hata ramani nilikuwa nayo kichwani.
Kwa msaada wa Bwana, leo tuna kanisa la kisasa, kubwa sana, la ghorofa, ambalo kwa wilayani kama Kongwa watu wangetegemea huenda limejengwa kwa msaada wa wafadhili tena wa nchi za nje. Ndani ya hilo kanisa kuna vyumba vya maombi, ofisi kubwa ya mchungaji na ukumbi wa watu zaidi ya 2000 kwa mara moja.
Bishop Dr. Livingstone Denis anasisitiza umuhimu wa kuwa na imani kwa Mungu kwa waumini wote. Anafundisha kuwa imani ndio msingi wa uhusiano wetu na Mungu, waebrania 10:38.
Bishop Dr. Livingstone Denis anafanya maombi na maombezi kwa ajili ya watu wanaohitaji uponyaji na ukombozi katika maisha yao.
Bishop Dr. Livingstone Denis anatoa na kusisitiza zaidi kuhusu, mwongozo wa kiroho kwa waumini na viongozi wengine wa kanisa katika safari yao kiroho na safari hii ya kwenda Mbinguni kwa Baba.
Bishop Dr. Livingstone Denis alianza huduma yake ya uchungaji huko Mpwapwa Dodoma na baadaye Kongwa (E.A.G.T Mizeituni Kongwa), akiwa na wito wa kuongoza na kufundisha Neno la Mungu.
Mungu alimpatia maono ya kuanzisha kituo cha maombi na maombezi cha E.A.G.T Oysterbay (Kilima cha Ukombozi na Uponyaji).
Alifanikiwa kuzindua kanisa la ghorofa Kongwa, jengo kubwa alilosimamia kumjengea Mungu kwa ajili ya ibada.
Kanisa la E.A.G.T Oysterbay lilifunguliwa rasmi ("Kilima cha Ukombozi na Uponyaji") na kanisa la kimataifa.
E.A.G.T Oysterbay: Jumatatu-Jumapili (Kila siku)
E.A.G.T Mizeituni Kongwa: Jumatatu-Jumapili (Kila siku)
E.A.G.T Mizeituni Kongwa: Wilayani Kongwa, Mkoani Dodoma
E.A.G.T Oysterbay: Oysterbay, Dodoma Mjini, Mkoani Dodoma